Втора средба на мултисекторски тим за спречување и заштита од родово-базирано и семејно насилство

Во рамки на проектот „Заедно против насилството: Подобрување на информираноста и реакцијата на заедницата“, на 27 август 2025 година се одржа втората средба на мултисекторскиот тим во организација на Здружение Станица ПЕТ.

Целта на оваа средба беше:

  • Детектирање на системските пречки преку анализа на конкретни случаи
  • Подобрување на координацијата меѓу институциите
  • Дефинирање на идни насоки за заедничко делување

На средбата се дискутираа конкретни случаи на родово базирано и семејно насилство и беа идентификувани сериозни системски предизвици: недоволна размена на информации, доцнење во постапување и недостаток на заштита за социјалните работници. Особено загрижува нарушувањето на анонимноста на пријавителите од страна на институциите, што директно го загрозува животот и безбедноста на жртвите.

Следната средба ќе биде посветена на вклучување на Обвинителството и Судот, со цел да се зајакне правниот одговор и ефективноста на институциите во справување со насилството. Ова ќе претставува важен чекор кон изградба на поефикасен, доверлив и одржлив систем за заштита на жртвите.

Оваа активност е дел од проектот „ Заедно против насилството: Подобрување на информираноста и реакцијата на заедницата “, кој го спроведувa Здружение за правна едукација и транспарентност Станица ПЕТ Прилеп“, во рамки на акцијата „СЕ ГРИЖИМЕ: Заедно се бориме против сексуалното и родовото насилство “, финансирана од Европската Унија, а предводена од Националната мрежа против насилство врз жени и семејно насилство. Содржината на оваа објава е единствена одговорност на Здружение за правна едукација и транспарентност Станица ПЕТ Прилеп, и на никој начин не може да се смета дека ги претставува ставовите и гледиштата на Европската Унија.

Similar Posts

  • Зелениот ресурсен хаб на терен во с. Ропотово: Заедно за поодржливи и поекономични домови

    Од февруари 2025 година, нашиот тим активно работи со жителите на село Ропотово, во рамки на иницијативата за подобрување на енергетската ефикасност и одржливо живеење. Освен советодавните сесии во просториите на Општина Долнени, заедно со локалното население спроведовме индивидуални проценки на енергетската ефикасност на нивните домови и деловни објекти. Проценките се реализираа со помош на…

  • ПРИСТАП ДО КЛИМАТСКА ПРАВДА ПРЕКУ КРЕАТИВНА АКЦИЈА – општина Кривогаштани

    Здружение за правна едукација и транспарентност Станица П.Е.Т. на 24 септември 2021 во општина Кривогаштани спроведе Креативна акција за информирање и подигнување на свесноста во однос на опасноста од климатските промени. Акцијата се одржа во село Кривогаштани, м.в. Ливадски пат, чија цел беше подигнување на свесноста и информирање на пошироката јавност во однос на опасноста од…

  • Прва средба на Ромски кризен штаб

    На 17.09.2020 година, се одржа првата средба на Ромскиот кризен штаб, кој е дел од активностите на проектот: „Организирање на заедницата за одговор на кризата“. Ромскиот кризен штаб е група од неформални лидери во заедницата каде се вклучени 6 неформални лидери од заедницата со цел организирање на заедницата за идентификување на итни проблеми и предлагање…

  • Учество на обука за застапување против семејното насилство

    Правилното информирање на јавноста за природата на семејното насилство и фактичката состојба на жените што претрепеле семејно насилство, како и законските механизми за заштита придонесува за зголемување на општетвената поддршка и охрабување на жените да го пријават насилството и побараат помош и поддршка. Во периодот 2-3 октомври се одржа Обука за етичко, професионално и законско…

  • 5 години Станица ПЕТ

    На 20.09.2023 година, прославивме 5 години постоење на нашето здружение. Во изминатите години, реализирани се 25 проекти со фокус на правно зајакнување, пристап до правда, унапредување на човековите права, транспарентноста, отчетноста и граѓанското учество, обезбедени се над 5000 услуги за повеќе од 1500 граѓани, вклучени се над 300 претставници од заедниците, граѓанските организации и институциите…

  • Со магарето Марко на патот кон забрзаниот развој!

    На 19 јуни 2023 година, свечено ја промовиравме редовната шпедитерска линија Прилеп-Липов Дол-Витолиште, со која жителите од мариовскиот регион конечно ќе имаат редовен превоз до и од Прилеп. Се стигнува за само 8 часа, а билет плаќа кој колку има! Најеколошка и засега единствена опција за организиран јавен превоз до овие места. Со оваа креативна акција…