Јавен оглас за ангажирање на експерт за подготовка на физибилити студија

Здружение за правна едукација и транспарентност СТАНИЦА ПЕТ Прилеп, во рамки на проектот „Паметно зелено село за одржлива иднина“, кој се реализира со поддршка од Фондации Отворено Општество – Западен Балкан, објавува:

ЈАВЕН ОГЛАС

За ангажирање на експерт од областа на енергетика за подготовка на Физибилити студија за утврдување на потенцијалот на с. Ропотово и околината за основање капацитет за производство на обновлива енергија (соларна фарма)

Општи информации за Проектот

Проектот „Паметно зелено село за одржлива иднина“ е насочен кон унапредување и промоција на концептот на праведна зелена транзиција во руралните области како значаен аспект од поширокиот концепт на социјална правда. Со наведената цел, проектот се стреми кон воспоставување на основи за одржливо земјоделство и употреба на обновливи извори на енергија на начин што е правичен и инклузивен, адресирање и поправање на историските нееднаквости што ги засегаат руралните заедници, како што се недоволно инвестирање, ограничен пристап до енергетската инфраструктура и повисоки нивоа на деградација на животната средина. Традиционално маргинализираните заедници, вклучително и луѓето кои живеат во руралните средини, се особено отпорни на воведување нови практики, особено онаа што вклучува употреба на земјиште и други природни ресурси, поради страв од присилна конфискација на земјиштето, наметнување на непознати и комплицирани практики што би можеле да ги ограничат во нивната основна приходна активност. Затоа, комбинирањето на активности кои придонесуваат за праведна зелена транзиција преку концептот на социјална правда помага да се овозможи руралните заедници да имаат корист од енергетската транзиција и дека нема да бидат изоставени.

Опис на активноста предмет на овој повик

Потребата од ангажманот е за имплементација на проектната компонента која се однесува на:

  • Подготовка на физибилити студија која опфаќа техничка, економска и еколошка одржливост за соларна фарма во Ропотово

Студијата се однесува на утврдување на потенцијалот на с. Ропотово и околината за основање капацитет за производство на обновлива енергија (соларна фарма) и истата ќе ја изработат двајца експерти (експертот ангажиран со овој повик и уште еден експерт од областа на градежништво). Студијата треба да биде насочена кон одредување на клучните физибилити точки како што се: доволно просечни сончеви часови годишно, постоење и локација на големо, рамно земјиште со минимално засенчување, неподобно за земјоделска или конзерваторска употреба, непосредна близина до постоечката инфраструктура за пренос на електрична енергија, минимални еколошки ризици, поволни перспектива на заедницата и постоење на владина поддршка, како и утврдување на поволност на постоечката регулатива. Студијата треба да обезбеди сеопфатна проценка на соодветноста на Ропотово за соларна фарма, балансирајќи ги техничките, економските, еколошките и социјалните аспекти. По подготовката на студијата, експертот треба да учествува во завршен јавен настан за промовирање на наодите.

Времетраење и надоместок

Ангажманот за подготовка на студијата ќе биде за времетраење од 6 месеци во периодот јануари – јуни 2025 година. Завршниот настан за промовирање на наодите ќе се реализира во месец август 2025 година. За ангажманот е предвиден бруто надоместок од 1200 УСД во денарска противвредност.

Потребни квалификации

  • Завршено високо образование (240 ЕКТС или VII-1 степен) од областа на енергетика/електротехника.
  • Најмалку 2 години работно искуство на подготовка/имплементација на проекти поврзани со обновливи извори на енергија.
  • Одлично познавање на методолошки и аналитички алатки и техники.  

Пријавување

Пријавите кои вклучуваат лична биографија (CV), мотивационо писмо и финансиска понуда да се достават на емал адреса: [email protected]  најдоцна до 31.12.2024 година.

Прилеп, 25.12.2024

Similar Posts

  • Студиска посета во Грачаница, Косово

    Како дел од Програмата за верски слободи на Западен Балкан спроведувана од National Democratic Institute, тимот на Станица ПЕТ имаше можност да оствари посета на организацијата Centar Manjinske Zajednice од Грачаница, Косово. Во рамки на дводневната посета која беше организирана и фасцилитирана од NDI Kosovo и NDI North Macedonia, имавме можност да се запознаеме со…

  • Со магарето Марко на патот кон забрзаниот развој!

    На 19 јуни 2023 година, свечено ја промовиравме редовната шпедитерска линија Прилеп-Липов Дол-Витолиште, со која жителите од мариовскиот регион конечно ќе имаат редовен превоз до и од Прилеп. Се стигнува за само 8 часа, а билет плаќа кој колку има! Најеколошка и засега единствена опција за организиран јавен превоз до овие места. Со оваа креативна акција…

  • 5 години Станица ПЕТ

    На 20.09.2023 година, прославивме 5 години постоење на нашето здружение. Во изминатите години, реализирани се 25 проекти со фокус на правно зајакнување, пристап до правда, унапредување на човековите права, транспарентноста, отчетноста и граѓанското учество, обезбедени се над 5000 услуги за повеќе од 1500 граѓани, вклучени се над 300 претставници од заедниците, граѓанските организации и институциите…

  • СТАНИЦА П.Е.Т. со промотивна активност за здравствена заштита – дистрибуција на суплементи и брзи тестови за превенција од Ковид-19

    Во периодот јули-август 2021 година, здравствените промотори на Станица П.Е.Т. идентификуваа 20 семејства од ранливи категории каде што има зголемен ризик за појава на Ковид-19 поради специфичните материјални околности во кои се наоѓаат, а се претежно од ромската заедница во општина Прилеп. Така, на овие семејства промоторите во заедницата им поделија брзи антигенски тестови, како и…

  • Секој што дискриминира, мора да одговара! Станица П.Е.Т. со осуда за дискриминаторското однесување врз Ромите!

    Станица П.Е.Т. ја осудува дискриминацијата во која на група на млади Роми не им беше дозволен влез во базен. Станица П.Е.Т. застанува во поддршка против дискриминацијата од секаков вид, а особено кога таа е насочена кон Ромите. Дискриминаторската пракса во угостителските објекти и кај давателите на јавни услуги во Прилеп е долгогодишен проблем на кој ние…

  • ОТВОРЕН ПОВИК за избор на позната личност (инфлуенсер/ка) за промоција на кампања против родово базирано насилство

    Здружение за правна едукација и транспарентност СТАНИЦА ПЕТ Прилеп во рамки на проектот „Интегрирана поддршка и јакнење на жените жртви на насилство за посилен глас и безбедна иднина“, објавува: ОТВОРЕН ПОВИК за избор на позната личност (инфлуенсер/ка) за промоција на кампања против родово базирано насилство Овој повик има за цел избор на позната личност (инфлуенсер/ка)…