“…Станица ПЕТ ја истакнува важноста колку е клучно да се вклучат сите потенцијално засегнати страни во текот на целиот процес на развивање на идејата за социјално претпријатие, а особено заедницата со која работи организацијата. Ко-развојот и тестирањето на идејата беше долго патување, но големи се можностите што ги отвори социјалното претпријатие за генерирање флексибилни приходи кои треба да ја поддржат основната работа на здружението за правно зајакнување…“
Здружение за правна едукација и транспарентност Станица П.Е.Т. од Прилеп од почетокот на оваа година започна со идејата за развој на социјално претпријатие во рамките на здружението, кое нуди услуги за издавање на простор за организација на настани и индивидуална работа.

Идејата за отворањето на Клуб П.Е.Т. е претходно развиена низ повеќе чекори со поддршка и менторство на ЦЕЕД Македонија и Фондацијата Отворено општество Македонија преку ФОО, а е избрана како најсоодветна од повеќе причини: потребата од простор за организирање на настани и индивидуална работа во Прилеп и околината односно сериозниот недостаток од ваков капацитет, како и просторните можности и соодветната локација кои ги има канцеларијата на Станица П.Е.Т. и можноста дел од истата да се пренамени во простор за активности. Всушност, идејата е да се генерира дополнителен приход кој ќе се вложи во дополнителен развој и одржливост на правната и параправната помош која ја обезбедува здружението, а е клучен дел од програмата за правно зајакнување и од суштинско значење за остварувањето на основните права на граѓаните од маргинализираните заедници од Прилеп и околните општини.


Во најновиот извештај на Фондацијата Отворено општество е споделен пристапот на Станица П.Е.Т. и патот до остварувањето на идејата за основање на социјалното претпријатие Клуб П.Е.Т., како и искуството во тестирањето и воведувањето иновативни пристапи за поголема одржливост на програмите за пристап до правда на заедниците.
Повеќе информации за успешните иновативни пристапи прочитајте на следниот линк