ВО ВРЕМЕ НА ПАНДЕМИЈА ГРАЃАНИТЕ БАРААТ ПРАВНА ПОМОШ ОД ГРАЃАНСКИТЕ ОРГАНИЗАЦИИ

ВО ВРЕМЕ НА ПАНДЕМИЈА ГРАЃАНИТЕ БАРААТ ПРАВНА ПОМОШ ОД ГРАЃАНСКИТЕ ОРГАНИЗАЦИИ

Пандемијата предизвикана од КОВИД-19 на граѓаните од ранливите групи дополнително им го отежна пристапот до правдата и пристапот до институциите, поради што сè поголем број граѓани се обраќаат до здруженијата за обезбедување бесплатна правна и параправна помош.

Во изминативе 11 месеци, откако почна да се имплементира проектот „Пристап до правда за најмаргинализираните“, повеќе од 1.000 граѓани од ранливите групи се обратиле кај граѓанските организации и побарале правна и параправна помош. Правната помош се обезбедува од правници, додека параправната помош се обезбедува на терен, од страна на параправници, кои се дел од заедниците што ги претставуваат и се обучени и имаат знаења за обезбедување помош и советување.

Здружението ХОПС – Опции за здрав живот Скопје обезбедува бесплатна правна и параправна помош за сексуалните работници и работнички, за лицата кои употребуваат дроги, како и за нивните семејства. Од март 2020 година, ХОПС е овластено здружение за обезбедување примарна бесплатна правна помош на сите граѓани, кое покрај правно советување, им овозможува да поднесат барање за бесплатен адвокат до Министерството за правда. 

Здружението за правна едукација и транспарентност – Станица П.Е.Т. од Прилеп обезбеди 752 услуги за семејствата во социјален ризик, лицата од ромската заедница и од руралните средини. Здружението обезбедува правни насоки и асистенција преку своите правници и параправници кои работат на територијата на Прилеп и околните рурални места.

Граѓаните најчесто бараат правна помош од областа на социјалната заштита, вработувањето, домувањето и земјоделската дејност, додека кај параправниците се обраќаат за помош во однос на искористувањето на економските мерки за справување со кризата, образованието, здравствената заштита, социјалната заштита и добивањето лична документација.

За лицата кои употребуваат дроги се обезбедени 473 услуги, поврзани со социјалната заштита и економските мерки за поддршка на граѓаните, разводот на бракови, запирањето на течењето на роковите за правни лекови во судските постапки за време на вонредната состојба, дискриминацијата поради зависност, движењето во време на забрана, но и совети за прекршочни и кривични дела. За сексуалните работници е обезбедена правна помош во 1.571 случај, најчесто за заштита од семејно насилство, насилство од страна на клиентите или полицијата, разводи и родителски права, како и за нерегулирани лични документи, економски мерки за поддршка на граѓаните и слично.

Услугите се обезбедуваат со целосно почитување на протоколите и притоа се преземаат мерки за заштита на граѓаните, правниците и параправниците.

***

Проектот „Пристап до правда за најмаргинализираните“ е финансиски поддржан од Европската Унија, а спроведуван од Фондацијата Отворено општество – Македонија, ХОПС-Опции за здрав живот Скопје и Здружението за правна едукација и транспарентност – Станица П.Е.Т. од Прилеп.

За повеќе информации за проектот „Пристап до правда за најмаргинализираните“:

Фондација Отворено општество – Македонија

Контакт-лице: Христина Василевска Димчевска, координаторка на проектот

e-mail: [email protected], тел: +389 2 2477 126, моб: +389 70 385 500

Similar Posts

  • КОМИСИЈАТА ЗА СПРЕЧУВАЊЕ И ЗАШТИТА ОД ДИСКРИМИНАЦИЈА ОСТАНУВА ДА СЕ ИЗБИРА ПО ПАТ НА ПАРТИСКИ ДОГОВОР?!

    На 21.10.2020 година одржана беше седница на Комисијата за европски прашања и Законодавно –правната комисија на Собранието на Република Северна Македонија на кои на дневен ред беше Предлог – Законот за спречување и заштита од дискриминација, попрецизно неговото второ читање и разгледување на поднесените амандмани. Од поднесените амандамани ниту еден не беше усвоен. Еден од…

  • Работата на здравствените промотори презентирана на 16иот Светски конгрес за јавно здравје

    На 14.10.2020 година, извршната директорка на Здружение за правна едукација и транспарентност СТАНИЦА П.Е.Т. – Весна Шапкоски учествуваше на 16иот Светски конгрес за јавно здравје каде имаше усна презентација на тема: „Развој и зајакнување на здравствените промотори во заедницата во Прилеп, Северна Македонија“. Во рамките на конгресот беше презентирана работата на здравствените промотори на СТАНИЦА П.Е.Т….

  • Успешно реализиран #ЗеленПеток 5: „Размена наместо отпад“

    Петтиот #ЗеленПеток го одбележавме со акцијата „Размена наместо отпад“, иницијатива што ја слави повторната употреба и одговорната потрошувачка. Настанот беше најавен ден претходно во утринската емисија Македонија наутро на Македонска радио телевизија, што придонесе за поголема информираност и вклученост на граѓаните. Акцијата предизвика значителен интерес и позитивен одзив од заедницата. Околу 30 граѓани учествуваа во…

  • Посилен систем за поправедна заштита – нов проект за борба против корупцијата во здравството

    Започнува имплементацијата на проектот „Посилен систем за поправедна заштита: Намалување на корупцијата во здравството“ чија главна цел е градење транспарентен и одговорен здравствен систем кој одговара на потребите на сите граѓани, особено на жените и маргинализираните групи. Станува збор за национална иницијатива која се темели на три главни активности – обуки на здравствените работници за…

  • Маратон на јавните набавки – „Дали има напредок?“

    На 30.11.2021 година во Белград, се одржа конференција Маратон на јавните набавки – „Дали има напредок?”, на која учествуваа претставници на Европската Унија, релевантни институции, невладини организации и медиуми од регионот, кои дискутираа за главните проблеми со системите за јавни набавки во државите од Западен Балкан. Весна Шапкоски од СТАНИЦА П.Е.Т. имаше свое излагање во рамки на…

  • Од отпад до храна за земјата – успешен циклус на компостирање во Ропотово

    Во периодот мај–октомври 2025 година, во село Ропотово се спроведуваше процесот на колективно компостирање на органски отпад. Со помош на поставените три станици за собирање на органски отпад и една станица за компостирање, локалните жители, заедно со вработените во комуналното претпријатие и тимот на СТАНИЦА ПЕТ, се грижeа и го одржуваа материјалот додека компостот „зрееше“…