Температурите растат, но активностите не се намалуваат!
Во текот на јули 2019, нашите Промотори во заедницата повторно реализираа повеќе неформални посети на поединци и домаќинства заради информирање за здравствените права.
Темите овојпат се однесуваа на начинот и постапката на остварување на правата на итна медицинска помош и правото на домашно лекување, како и разграничувањето помеѓу овие две кое често предизвикува забуни кај населението. Едукацијата се остваруваше преку делење на промотивен материјал – платнена торба на која од двете страни беа појаснети начинот и постапката за остварување на овие две права. Со оваа активност беа опфатени 50тина семејства од Прилеп.




