ОТВОРЕН ПОВИК за избор на учесници за „Школата за родова еднаквост“

Здружение Центар за граѓанска иницијатива – Прилеп како носител на Проектот „Нејзин глас – нејзина моќ: зајакнување на маргинализираните жени и девојки во Пелагонија“,  кој е финансиран од владата на Швајцарија преку Цивика мобилитас што се спроведува во партнерство со Здружение за правна едукација и транспарентност СТАНИЦА ПЕТ – Прилеп и Мултиетничко здружение за сите возрасти с. Црнилиште Долнени објавува:

ОТВОРЕН ПОВИК

за избор на учесници за „Школата за родова еднаквост“

Овој документ содржи упатства за заинтересираните апликанти да одговорат на отворениот повик за учество на „Школата за родова еднаквост“ како дел од проектот „Нејзин глас – нејзина моќ: зајакнување на маргинализираните жени и девојки во Пелагонија“.

Целта на „Школата за родова еднаквост“ е да зајакне група граѓани од Пелагонискиот регион со сеопфатно познавање на принципите и практиките за родова еднаквост. По завршувањето на школата, учесниците ќе имаат можност да се вклучат како родови промотори и активно да бидат вклучени во другите проектни активности.

I Краток опис на проектот

Цели на проектот:

Општа цел:
Зајакнат граѓански ангажман за поголема родова еднаквост кај маргинализираните заедници од Пелагонискиот регион.

Специфични цели:
С.Ц.1: Подобрување на координацијата и поддршка за иницијативите за родова еднаквост помеѓу клучните институции во Пелагонискиот регион.
С.Ц.2: Поттикнување на жените/девојките и мажите/момчињата да се ангажираат како промотори за родова еднаквост.
С.Ц.3: Зголемување на знаењето и пристапот до услуги за остварување на права.

Резултати:
Р.1: Засилена соработка и ангажман со клучните институции во Пелагонискиот регион.
Р.2: Зајакнати капацитети на руралните и мултиетничките заедници и инклузивна застапеност.
Р.3: Зголемена свест и поддршка на заедницата за иницијативи за родова еднаквост и права за репродуктивно здравје.

II Потребни квалификации

Пријавените треба да ги поседуваат следните квалификации и вештини:

• Завршено најмалку основно образование.

• Претходно искуство во граѓански сектор ќе се смета за предност.

  • Интерес за усвојување на нови знаења од областа на родовата рамноправност.

• III Потребна документација

 • Лична биографија (CV)

• Писмо за интерес

IV Критериум за избор:

Добиените апликации ќе бидат разгледани, оценети и евалуирани од страна на комисија основана од Здружение Центар за граѓанска иницијатива – Прилеп и партнерите на проектот.   При изборот ќе се внимава на рамноправна застапеност на обуката на учесници по возраст, пол, етничка припадност, како и вклученост на учесници од сите општини од Пелагонискиот регион.

• V Рок за пријавување

Апликациите треба да се достават најдоцна до 12 ноември 2024 (16,00 часот) година по електронска пошта на: [email protected],  или директно или по пошта во канцелариите на Здружение Центар за граѓанска иницијатива – Прилеп  на ул. Димо Наредникот бб (зграда Ерик) , во затворен плик со назнака „Апликација за учесник на „Школа за родова еднаквост“.

Дополнителни информации

Дополнителни информации за повикот за експерти можете да добиете со испраќање на маил на [email protected]

Содржината на овој повик е единствена одговорност на Здружение Центар за граѓанска иницијатива – Прилеп како носител во парнтерство со Здружение за правна едукација и транспарентност СТАНИЦА ПЕТ – Прилеп и Мултиетничко здружение за сите возрасти с. Црнилиште Долнени и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.

Similar Posts

  • #Зелен Петок 7: Нашата акција, нашата природа, наша одговорност!

    Здружението СТАНИЦА ПЕТ во соработка со ЈКП Комуналец – Прилеп организираше акција за чистење на јавна површина кај Вештачкото езеро – Излетнички ливади. Преку иницијативата „Зелен петок“ поттикнуваме поголема грижа за животната средина, заедничка одговорност и активно учество на граѓаните во зачувувањето на јавните простори. Целта на акцијата беше чистење на јавна површина и подигнување…

  • Школа за родова еднаквост

    Преку едукација и ресурси, создаваме одржливи модели на организирање на заедницата за унапредување на родовата еднаквост во регионот. Во рамки на проектот „Нејзин глас – нејзина моќ: зајакнување на маргинализираните жени и девојки во Пелагонија“, во месец декември беше успешно реализирана Школа за родова еднаквост. На школата за родова еднаквост зедоа учество 20 лица од…

  • ПРИСТАП ДО КЛИМАТСКА ПРАВДА ПРЕКУ КРЕАТИВНА АКЦИЈА – општина Кривогаштани

    Здружение за правна едукација и транспарентност Станица П.Е.Т. на 24 септември 2021 во општина Кривогаштани спроведе Креативна акција за информирање и подигнување на свесноста во однос на опасноста од климатските промени. Акцијата се одржа во село Кривогаштани, м.в. Ливадски пат, чија цел беше подигнување на свесноста и информирање на пошироката јавност во однос на опасноста од…

  • Изјава на Партнерството за правно зајакнување во Источна Европа и Централна Азија за руската инвазија на Украина

    17 март 2022 година Од 24 февруари 2022 година, нашите колеги во Украина се најдоа во воена зона. Русија брутално ја нападна Украина, започнувајќи нелегална војна против мирољубив сосед. Руската неиспровоцирана агресија достигна страшни размери. Путин и неговите соработници се лично одговорни за ова злосторство – гранатирање цивилни области, уништување на објекти на социјалната инфраструктура,…

  • Соопштение

    Мрежата за заштита од дискриминација бара зголемување на Предлог-буџетот за Комисијата за спречување и заштита од дискриминација со што ќе се обезбеди нејзина функционална независност и непречено и сеопфатно функционирање, со цел грижа за маргинализираните граѓани Владата на РСМ на 1 ноември 2021 ја информираше јавноста дека на 30 октомври го усвоила Предлог-буџетот за 2022 година и…

  • 5 години Станица ПЕТ

    На 20.09.2023 година, прославивме 5 години постоење на нашето здружение. Во изминатите години, реализирани се 25 проекти со фокус на правно зајакнување, пристап до правда, унапредување на човековите права, транспарентноста, отчетноста и граѓанското учество, обезбедени се над 5000 услуги за повеќе од 1500 граѓани, вклучени се над 300 претставници од заедниците, граѓанските организации и институциите…