Да се знае правото, да се користи правото и да се обликува правото.
Во периодот 1-6 декември 2019 година, Весна Шапкоски од нашата организација беше дел од интернационалниот Курс за правно зајакнување кој се одржа при Централно Европскиот Универзитет во Будимпешта, Унгарија.
На курсот, 60тина претставници од повеќе од 30 држави во светот, преку споделување на искуства, врсничко учење и дискусија за повеќе студии на случај учеа за најважните аспекти од работата на правно зајакнување:
- основните принципи и начела на правното зајакнување,
- општествените движења за промени,
- собирањето на податоци за креирање на општествени промени,
- начелата на борба за правата на животна средина и земјиште,
- родова еднкавост и
- законско признавање на параправнците како одржлива форма на правно зајакнување на заедниците
Како резултат, секој од претставниците подготви план за работа во идниот период, кој ќе го реализира во рамки на организацијата од која што доаѓа, а со кој би се унапредила работата на правно зајакнување.
Курсот се организира 5та година по ред, од страна на Иницијативата за правда (Фондации Отворено Општество), Факултет за јавни политики (Централно Европски Универзитет – Будимпешта), Бернстајн Институт за Човекови Права (Универзитет Њу Јорк) и НАМАТИ (Глобална мрежа за правно зајакнување).




