Претставници на СТАНИЦА П.Е.Т. зедоа учество на практична програма за правно зајакнување

Во периодот 23-30 ноември, четворица претставници на СТАНИЦА П.Е.Т. зедоа учество на Практичната програма за правно зајакнување, во организација на Украинската практична школа за пристап до правда.

Во рамки на оваа програма заедно со уште 4 други тимови од Полска/Украина, Киргистан, Кенија и Северна Македонија се развиваа идеи за воведување на иновативни решенија во работата на правно зајакнување на заедниците. Воедно, учесниците имаа можност да споделат искуства и да стекнат практични знаења кои ќе продолжат да ја унапредуваат работата на СТАНИЦА П.Е.Т.

За време на програмата, тимот на Станица П.Е.Т. го покрена прашањето за недостаток на правна помош во руралните средини со цел да се донесе пристапот до правда поблиску до маргинализираните групи на граѓани при што беше предложено да се создаде мобилна канцеларија за вонредни социјални работници, правници и психолози кои ќе доаѓаат во руралните средини во одредени денови од неделата. По презентацијата, учесниците дискутираа за предложениот модел за решавање на проблемот, нагласувајќи ја важноста од учеството во вакви активности на локалните активисти.

Со програмата беа опфатени уште неколку иницијативи од Северна Македонија, Полска/Украина, Киргистан и Кенија а се поврзани со: обезбедување на помош и поддршка на жртвите на семејно и родово насилство преку бесплатна правна помош и создавање на мрежа на правни советници кои ќе им помагаат на оваа категорија на граѓани (Киргистан), кампања за застапување на граѓаните со ниски примања на кои им се блокираат сметките на кои што тие примаат социјална парична помош, со што тие се наоѓаат на работ на сиромаштијата и без ресурси за нормален живот и егзистенција (тим од Северна Македонија); меѓународна платформа за комуникација (веб-портал) за студенти и корисници на услугите на правните клиники во Украина и Полска која ќе им овозможи на Украинците кои живеат во Полска и на Полјаците кои живеат во Украина да добијат правна помош за даночни прашања, семејни спорови, миграција и сл. што од друга страна ќе им овозможи на студентите да споделат искуства и да вежбаат под водство на искусни правници од правните клиники; веб платформа за алтернативно решавање на спорови преку интернет каде корисниците ќе можат да го решат конфликтот преку видео конференција со поддршка од искусни медијатори (Кенија).

Инаку, KyivLEPP е практична програма за зајакнување на правниот капацитет, инкубатор на иновативни идеи во областа на пристап до правда во Украина и светот.

Similar Posts

  • Истражување за потребата за воспоставување на мобилна канцеларија за параправна помош

    Во изминатиот период, Здружение за правна едукација и транспарентност Станица П.Е.Т. од Прилеп подготви Истражување за потребата за воспоставување на мобилна канцеларија за параправна помош (Прилеп – Мариовски регион, Кривогаштани и Долнени). Од истражувањето произлезе инфографик каде се сумирани собраните податоци од граѓаните кои наголемо ја истакнуваат потребата од воспоставување на мобилна канцеларија за параправна помош во општините…

  • ЈАВЕН ПОВИК ЗА ДОСТАВУВАЊЕ ПОНУДИ ЗА НАБАВКА НА ОСВЕЖУВАЊЕ (ПИЈАЛАЦИ)

    Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и достапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита. Овие…

  • Собранието го сокри огласот за Народен правобранител од јавноста! Бараме Собранието да го поништи и повторно да го објави огласот на транспарентен начин!

    Собранието на РСМ на крајно нетранспарентен и малициозен начин ја започна постапката за именување нов Народен правобранител. На 22-та пленарна седница, одржана на 26.11.2020 година, Собранието изгласало Одлука за распишување на оглас за избор на Народен правобранител. Имајќи ги предвид јавниот интерес за избор на првиот човек на најголемата национална институција за човекови права, како…

  • ОТВОРЕН ПОВИК за избор на Ко-автор за подготовка на локален извештај

    Здружение за правна едукација и транспарентност СТАНИЦА ПЕТ Прилеп во рамки на проектот „Заедно против насилството: Подобрување на информираноста и реакцијата на заедницата“, објавува: ОТВОРЕН ПОВИК  за избор на Ко-автор за подготовка на локален извештај Овој повик има за цел избор на стручно лице, ко-автор за подготовка на локален извештај за состојбата со родово базирано…

  • Мрежа за заштита од дискриминација: Прес конференција пред Собранието на Р.С. Македонија

    Во среда 27.11.2019 година во 09:30 часот, пред Собранието на Република Северна Македонија, десет мрежи на здруженија на граѓани одржаа прес конференција на која повикаа на итен избор и именување на кадар во повеќе институции и тела од страна на Комисијата за прашања на изборите и именувањата. Се работи за институции кои се од исклучителна…

  • Весна Шапкоски од СТАНИЦА П.Е.Т. е една од добитниците на наградата на Курсот за правно зајакнување 2019

    Секоја година, во изминатите 5 години, Намати и Mрежата за правно зајакнување соработуваат со партнери за водење на Kурсот за лидерско правно зајакнување на Централноевропскиот универзитет во Будимпешта. Целта на еднонеделниот курс е усовршување на глобален кадар на лидери кои се посветени на правно зајакнување кои споделуваат заедничко разбирање во оваа област, вклучително и историја, методологија и докази….