ЈАВЕН ПОВИК ЗА ДОСТАВУВАЊЕ ПОНУДИ ЗА НАБАВКА НА ОСВЕЖУВАЊЕ (ПИЈАЛАЦИ)

Здравствениот систем во Северна Македонија со години се соочува со сериозни предизвици поврзани со коруптивни практики, кои го намалуваат квалитетот и достапноста на здравствените услуги. Истражувањата укажуваат дека граѓаните, а особено жените од маргинализираните заедници, често се изложени на директни или индиректни барања за неформални плаќања, непотизам и дискриминација при пристапот до здравствена заштита. Овие појави не само што ја поткопуваат довербата во институциите, туку создаваат дополнителни бариери за еднаков пристап до основното човеково право – здравје.

Корупцијата во здравството има и изразена родова димензија. Жените, особено оние кои живеат во сиромаштија, во рурални средини или кои припаѓаат на ромската заедница, се соочуваат со двојна нерамноправност: од една страна поради нивниот економски и социјален статус, а од друга поради родовите стереотипи и дискриминаторските практики во институциите. Непостоењето ефикасни и доверливи механизми за пријавување дополнително ја засилува нивната ранливост и создава чувство на беспомошност.

Постоечките механизми за пријавување корупција се недоволно функционални, со ограничена транспарентност и слаб капацитет за постапување. Институциите ретко обезбедуваат јасни информации и поддршка за граѓаните, а здравствените работници немаат соодветна обука за етичко постапување и справување со случаи на корупција. Истовремено, јавната дебата за оваа тема останува ограничена, а медиумите често известуваат на начин кој не ги препознава родовите аспекти и штетните последици за ранливите групи.

Проектот „Посилен систем за поправедна заштита: Намалување на корупцијата во здравството“ е дизајниран да одговори токму на овие проблеми. Тој има за цел да ја зголеми отчетноста и транспарентноста во здравствениот систем преку зајакнување на жените и граѓаните да пријавуваат корупција, јакнење на капацитетите на здравствените работници за препознавање и превенција на коруптивни практики и зајакнување на институционалните механизми за постапување. Преку едукативни активности, јавни кампањи и застапувачки иницијативи, проектот ќе придонесе кон создавање систем во кој граѓаните ќе имаат доверба дека нивниот глас е слушнат, а нивните права се заштитени. Проектот е поддржан од Француската Развојна Агенција – Expertise France.

1. Предмет на јавниот повик

Предмет на овој јавен повик е доставување понуди за набавка и испорака на освежување (пијалаци), наменети за учеснички на интерактивни локални работилници и настани во рамки на проектните активности.

2. Опис на набавката

Набавката на освежување е наменета за вкупно 300 лица, во рамки на 20 интерактивни локални работилници, со просечен број од 15 учесници по работилница.

Освежувањето по лице вклучува:

Бр.ПродуктОпис
1Ладно кафе во лименка
250 мл
макијато/еспресо/капучино
2Сок 0,5 лпепси/газоза
3Вода негазирана 0,5 лпакувана негазирана вода
*Количините ќе бидат дефинирани согласно динамиката на проектните активности и бројот на учесници.

3. Право на учество

Право на учество имаат сите регистрирани правни лица кои вршат продажба и дистрибуција на пијалаци и располагаат со можност за испорака на територијата на Општина Прилеп и Општина Битола.

4. Потребна документација

Понудувачите треба да достават:

  • Основни податоци за правното лице;
  • Финансиска понуда (единечна цена по производ, вкупна цена, ДДВ – доколку е применливо);
  • Спецификација на понудените производи;
  • Услови и рок за испорака.

5. Критериуми за избор

Изборот на понудувач ќе се изврши врз основа на:

  • Усогласеност со условите од јавниот повик;
  • Квалитет и спецификација на понудените производи;
  • Услови и рок на испорака;
  • Најповолна понуда во однос на вкупната цена и условите на плаќање.

6. Рок и начин на доставување на понуди

Понудите да се достават по електронска пошта на адресата [email protected], со назнака: „Понуди за набавка на освежување“.

Краен рок за доставување на понудите е 13 февруари 2026 година.

7. Дополнителни информации

Овој јавен повик се спроведува во рамки на проектот „Посилен систем за поправедна заштита: Намалување на корупцијата во здравството“, поддржан од Француската развојна агенција – Expertise France. Изборот на понудувач ќе се изврши согласно принципите на транспарентност, еднаков третман, недискриминација и економичност, во согласност со донаторските правила и интерните процедури на спроведувачот на проектот.

Организаторот го задржува правото:

  • да побара дополнителни појаснувања или документација од понудувачите;
  • да прифати или одбие која било понуда, целосно или делумно;
  • да го поништи јавниот повик во секоја фаза од постапката, без обврска за образложување и без надомест кон понудувачите, доколку тоа е во согласност со донаторските правила.

Договорот со избраниот понудувач ќе биде склучен по одобрување, а исплатата ќе се реализира согласно одобрената проектна документација и финансиските правила.

Similar Posts

  • Истражување за потребата за воспоставување на мобилна канцеларија за параправна помош

    Во изминатиот период, Здружение за правна едукација и транспарентност Станица П.Е.Т. од Прилеп подготви Истражување за потребата за воспоставување на мобилна канцеларија за параправна помош (Прилеп – Мариовски регион, Кривогаштани и Долнени). Од истражувањето произлезе инфографик каде се сумирани собраните податоци од граѓаните кои наголемо ја истакнуваат потребата од воспоставување на мобилна канцеларија за параправна помош во општините…

  • Прва средба и работилница на Советот во заедницата

    На 13.07.2021 година, Советот на заедницата на Станица П.Е.Т. организираше прва средба, на која учество зедоа претставниците на Советот и промоторите во заедницата. Средбата се одржа во Клуб П.Е.Т. – социјално претпријатие во рамки на Здружение Станица П.Е.Т. Активноста е дел од проектот: „Унапредување на процесот на закрепнување и навремена реакција на ромската заедница во…

  • ОТВОРЕН ПОВИК за избор на надворешен консултант – советник за вработување

    Здружение за правна едукација и транспарентност СТАНИЦА ПЕТ Прилеп во рамки на проектот „Интегрирана поддршка и јакнење на жените жртви на насилство за посилен глас и безбедна иднина“, објавува: ОТВОРЕН ПОВИК за избор на надворешен консултант – советник за вработување Овој повик има за цел избор на надворешен консултант – советник за вработување, кој ќе…

  • Активизмот против насилството е секојдневна борба – одбележан 10 Декември во Прилеп

    На 10 декември, по повод Денот на човековите права, Здружението СТАНИЦА ПЕТ организираше информативен настан во центарот на Прилеп, со цел подигнување на свеста за родово базираното и семејното насилство и информирање на граѓаните за достапноста на услугите за психосоцијална поддршка. На јавен штанд поставен на фреквентна локација, тимот на здружението директно комуницираше со граѓаните…

  • НОСИ МАСКА, МИЈ РАЦЕ И ДРЖИ 2 МЕТРИ РАСТОЈАНИЕ!

    Дел од мерките се олабавија, но она што се случува деновиве со бројот на заболени ни покажува дека НИЕ НЕ СМЕЕМЕ ДА СЕ ОЛАБАВИМЕ! Во текот на изминатата недела нашите Промотори во заедницата остварија околу 120 индивидуални посети во различни населби во Прилеп и околината, каде поделија маски, средства за лична хигиена и симболично метро,…

  • ЈАВНА РАСПРАВА ЗА ВЛИЈАНИЕТО ВРЗ ЖИВОТНАТА СРЕДИНА ОД ИЗГРАДБАТА НА КОРИДОР 10 Д (ПРИЛЕП – БИТОЛА)

    Претставници на Здружението СТАНИЦА ПЕТ учествуваа на јавната расправа по Студијата за оцена на влијание врз животната средина за проектот „Изградба на Коридор 10 Д, делница на автопат: Прилеп – Битола“, која се одржа во Прилеп и Битола во организација на Министерството за животна средина и просторно планирање. На почетокот на настанот, накратко беше презентирана…