ОТВОРЕН ПОВИК за избор на надворешен консултант – советник за вработување

Здружение за правна едукација и транспарентност СТАНИЦА ПЕТ Прилеп во рамки на проектот „Интегрирана поддршка и јакнење на жените жртви на насилство за посилен глас и безбедна иднина“, објавува:

ОТВОРЕН ПОВИК

за избор на надворешен консултант – советник за вработување

Овој повик има за цел избор на надворешен консултант – советник за вработување, кој ќе биде ангажиран во рамки на проектните активности насочени кон економско јакнење и поддршка на жени жртви на насилство.

За проектот:

Општа цел:

Подобрување на пристапот до специјализирани услуги и зајакнување на улогата на жените во локалните заедници во Северна Македонија, преку обезбедување поддршка, економско јакнење и активно вклучување во застапувачки процеси во согласност со Истанбулската конвенција.

Специфични цели:

  • Да се обезбеди континуиран пристап до психосоцијална поддршка за жени жртви на родово-базирано и семејно насилство.
  • Да се придонесе кон економска автономија и независност на жените жртви на насилство преку индивидуализирани планови за економско јакнење.
  • Да се подигне свеста кај младите за препознавање, превенција и спречување на насилство врз жените и семејното насилство.
  • Да се зајакне институционалната соработка и учеството на жените од маргинализирани групи во застапувачки процеси на локално ниво.

Опис на ангажманот:

Избраниот консултант – советник за вработување ќе биде одговорен за обезбедување стручна поддршка на корисничките опфатени со проектот.

Ангажманот ќе опфаќа:

  • спроведување индивидуални консултации со жени кориснички;
  • проценка на интересите, способностите, образовните можности и професионалните вештини на корисничките;
  • подготовка на индивидуални планови за економско јакнење и развој на вештини;
  • идентификување можности за вработување согласно потребите и можностите на корисничките;
  • обезбедување информации за достапни програми за обуки, преквалификација, дооформување образование и стекнување нови вештини;
  • поврзување и посредување со потенцијални работодавачи;
  • водење евиденција за реализираните активности;
  • соработка со проектниот тим и доставување извештај за реализираниот ангажман.

Кој може да се пријави?

Право на пријавување имаат лица кои ги исполнуваат следните услови:

  • имаат високо образование од областа на право, социјална работа, психологија, економија, човечки ресурси, менаџмент или сродни области;
  • имаат искуство во советување, работа со корисници или ранливи категории граѓани;
  • имаат познавање на процесите за вработување и пазарот на труд;
  • имаат искуство во подготовка на индивидуални планови, советување или посредување при вработување;
  • поседуваат комуникациски и организациски вештини.

👉 Предност ќе имаат кандидати со искуство во областа на вработување и економско јакнење.

Како да се пријавите?

Заинтересираните кандидати треба да достават кратка биографија (CV),  мотивациско писмо (до 1 страница) и финансиска понуда на е-маил: [email protected]  со назнака „Пријава за консултант – советник за вработување“ најдоцна до 05.06.2026 година.

За дополнителни информации обратете се на: 076/278-753.

Ангажманот е дел од проектот „Интегрирана поддршка и јакнење на жените жртви на насилство за посилен глас и безбедна иднина“, кој го спроведува Здружение за правна едукација и транспарентност СТАНИЦА ПЕТ Прилеп, во рамки на програмата „Јакнење на жените, заштита на правата: зајакнување на граѓанското општество за борба против родово заснованото насилство во Северна Македонија“, финансиски поддржан од Фондацијата „Kvinna till Kvinna“ (The Kvinna till Kvinna Foundation) и Шведска, а имплементиран од Националната мрежа против насилство врз жените и семејно насилство.

Similar Posts

  • Тркалезна маса: „Поттикнување единство: општински пристапи за меѓуверски дијалог и меѓуетнички соживот“

    На 16 октомври, во Големата сала во Општина Прилеп, Станица ПЕТ заедно со Национален демократски институт на Северна Македонија, организираше Тркалезна маса: „Поттикнување единство: општински пристапи за меѓуверски дијалог и меѓуетнички соживот“. Настанот се фокусираше на застапување за креирање на општински мерки и политики кои ќе вклучуваат аспекти на меѓуверски дијалог и меѓуетнички соживот, а…

  • Мрежа за заштита од дискриминација – Работилницата за План за застапување и Комуникациски план

    Во перидот 28-31 август 2019, Христина Здравеска како претставник од нашето здружение во Мрежата за заштита од дискриминација, беше дел од работилницата за подготовка на План за застапување и Комуникациски план. Мрежата за заштита од дискриминација има за цел да развива стратегиско застапување во случаи на дискриминација преку поднесување предмети пред Комисијата за заштита од…

  • ОТВОРЕН ПОВИК за избор на позната личност (инфлуенсер/ка) за промоција на кампања против родово базирано насилство

    Здружение за правна едукација и транспарентност СТАНИЦА ПЕТ Прилеп во рамки на проектот „Интегрирана поддршка и јакнење на жените жртви на насилство за посилен глас и безбедна иднина“, објавува: ОТВОРЕН ПОВИК за избор на позната личност (инфлуенсер/ка) за промоција на кампања против родово базирано насилство Овој повик има за цел избор на позната личност (инфлуенсер/ка)…

  • ВО ВРЕМЕ НА ПАНДЕМИЈА ГРАЃАНИТЕ БАРААТ ПРАВНА ПОМОШ ОД ГРАЃАНСКИТЕ ОРГАНИЗАЦИИ

    ВО ВРЕМЕ НА ПАНДЕМИЈА ГРАЃАНИТЕ БАРААТ ПРАВНА ПОМОШ ОД ГРАЃАНСКИТЕ ОРГАНИЗАЦИИ Пандемијата предизвикана од КОВИД-19 на граѓаните од ранливите групи дополнително им го отежна пристапот до правдата и пристапот до институциите, поради што сè поголем број граѓани се обраќаат до здруженијата за обезбедување бесплатна правна и параправна помош. Во изминативе 11 месеци, откако почна да…

  • Интерна обука за креирање на Комуникациска стратегија

    „Комуникацијата и претставувањето во јавноста се клучни за транспарентноста и видливоста на организацијата.“ Во рамките на проектот: „Транспарентно делување за отчетно однесување“, кој го спроведува Здружение за правна едукација и транспарентност СТАНИЦА П.Е.Т., на 18.09.2020 година, во просториите на здружението се одржа Интерна обука за креирање на Комуникациска стратегија. Проектот се спроведува во периодот јуни-ноември 2020…

  • Хелсиншки Комитет за човекови права во партнерство со Станица П.Е.Т. и ХОПС дел од акциските грантисти на Цивика

    ЗДРУЖЕНИЕ ХЕЛСИНШКИ КОМИТЕТ ЗА ЧОВЕКОВИ ПРАВА – СКОПЈЕ Во партнерство со Здружение ХОПС – Опции за здрав живот Скопје и Здружение за правна едукација и транспарентност СТАНИЦА П.Е.Т. Прилеп  Вкупен буџет: 2.599.154 МКД Времетраење: 13 месеци КОНСТИТУЕНТИ Конституентите се разновидни во однос на неколку социо-демографски карактеристики како што се социјалниот статус, возраста, образованието, етничкото потекло и родот. Меѓу конституентите се вбројуваат: претставници од руралните…