Започна со работа Советувалиштето за психосоцијална поддршка на жени жртви на родово базирано и семејно насилство

Со особена посветеност кон унапредување на заштитата и поддршката на жените, Здружението СТАНИЦА ПЕТ официјално го започна со работа Советувалиштето за психосоцијална поддршка на жени жртви на родово базирано и семејно насилство.

Потребата од ваков тип на услуга произлегува од сè поголемата потреба за достапна, континуирана и сеопфатна поддршка за жени и деца кои се соочуваат со различни форми на насилство. Особено значајно е што Советувалиштето е отворено и достапно за жени и деца од различни ранливи категории, вклучително жени од рурални средини, жени со попреченост, жени од маргинализирани заедници, како и оние кои се соочуваат со социјална и економска исклученост. Преку прилагоден пристап и активно надминување на бариерите за пристап, се овозможува поддршката да стигне до оние на кои им е најпотребна.

Советувалиштето претставува безбеден и доверлив простор каде жените можат да добијат стручна помош, разбирање и поддршка во процесот на справување со насилството и неговите последици. Во рамки на услугата, како дел од постојаниот тим е ангажиран стручен психолог, кој обезбедува континуирана психолошка поддршка, како и надворешно ангажирани психотерапевти со цел обезбедување специјализирана и сеопфатна грижа.

Покрај психосоцијалната поддршка, СТАНИЦА ПЕТ продолжува да обезбедува и правна и административна помош за жените кои се соочуваат со родово базирано и семејно насилство. Оваа поддршка вклучува информирање за правата, помош при поднесување барања и постапки пред институции, како и придружба низ целиот процес на остварување на правдата.

Во насока на долгорочно зајакнување и независност, особено внимание се посветува и на економското јакнење на жените. Преку различни активности и индивидуален пристап, корисничките добиваат поддршка за дооформување на своето образование, развој на вештини и кариерно насочување, со цел нивна поголема вклученост на пазарот на труд и обезбедување одржлива иднина.

Посебен сегмент од работата на Советувалиштето е насочен кон обезбедување поддршка за деца жртви на семејно насилство. Преку прилагодени пристапи и стручна работа, децата добиваат психосоцијална поддршка со цел надминување на траумата, зајакнување на нивната емоционална стабилност и поттикнување на здрав развој во безбедна и поддржувачка средина.

Отворањето на Советувалиштето претставува значаен чекор кон создавање системска, достапна и интегрирана поддршка за жените и децата жртви на насилство, ставајќи го нивното достоинство, безбедност и автономија во центарот на сите активности.

За повеќе информации помош и поддршка, заинтересираните можат да не контактираат преку:

  • тел. бр. +389 76 278 753
  • или лично во канцеларијата на ул. Прилепски бранители 24/1 – мезанин (наспроти Поштата).

Similar Posts

  • Едукативна работилница Сексуално и репродуктивно здравје

    Сите сме слушнале за безбедно сексуално однесување, но некои од нас сеуште ризикуваат! На ден 28.06.2019 година беше спроведена едукативна работилница, во соработка со Ј.З.У “Центар за јавно здравје“-Прилеп и д-р Аксиња Гарбеска- Кебакоска, со цел информирање на младите за повеќе прашања од сексуалното и репродуктивното здравје. На средбата беа присутни 16 лица, во поголем…

  • Завршен настан „Паметно зелено село за одржлива иднина“

    Денес во Ропотово официјално ги промовиравме резултатите од проектот Паметно зелено село за одржлива иднина, кој се реализираше со поддршка од Фондациите Отворено општество – Западен Балкан. На настанот беа презентирани клучните постигнувања на проектот, како и наодите од предфизибилити студијата за утврдување на потенцијалот на селото и околината за изградба на соларна фарма –…

  • Информативно видео за Борба против корупција

    СТАНИЦА П.Е.Т. во изминатиот период подготви информативно видео за Борба против корупција. Корупцијата и судирот на интереси постојат во секоја сфера од општественото живеење. Затоа, потребно е препознавање, охрабрување и пријавување на овие негативни појави. Целта на видеото е правна едукација на пошироката јавност преку илустративен приказ за основните информации за борбата против корупцијата, постапката и…

  • Завршна конференција – Проект: „Пристап до правда за најмаргинализираните“

    На 27 јуни 2023 година, се одржа завршна конференција со која успешно беше заокружен проектот „Пристап до правда за најмаргинализираните“ кој се спроведува од јануари 2022 година и завршува во јули 2023. Воведни обраќања на настанот имаа г-н Константин Јовановски, програмски офицер при Делегацијата на ЕУ во Северна Македонија, г-а Весна Наковска, раководителка на одделението за бесплатна…

  • СТАНИЦА П.Е.Т. со промотивна активност за здравствена заштита – дистрибуција на суплементи и брзи тестови за превенција од Ковид-19

    Во периодот јули-август 2021 година, здравствените промотори на Станица П.Е.Т. идентификуваа 20 семејства од ранливи категории каде што има зголемен ризик за појава на Ковид-19 поради специфичните материјални околности во кои се наоѓаат, а се претежно од ромската заедница во општина Прилеп. Така, на овие семејства промоторите во заедницата им поделија брзи антигенски тестови, како и…

  • Тркалезна маса: „Поттикнување единство: општински пристапи за меѓуверски дијалог и меѓуетнички соживот“

    На 16 октомври, во Големата сала во Општина Прилеп, Станица ПЕТ заедно со Национален демократски институт на Северна Македонија, организираше Тркалезна маса: „Поттикнување единство: општински пристапи за меѓуверски дијалог и меѓуетнички соживот“. Настанот се фокусираше на застапување за креирање на општински мерки и политики кои ќе вклучуваат аспекти на меѓуверски дијалог и меѓуетнички соживот, а…