На ден 18.09.2019 година се одржа информативна средба на тема: „Дали промената на теоријата ќе ја промени и праксата?“ со фокус на законските измени во Кривичниот закон и Законот за основно образование кои се однесуваат на регулирање на појавата од детски бракови. На информативната средба беа присутни 40тина лица од кои претставници на стручните служби од повеќе основни и средни училишта, полициска служба, Центар за социјални работи, здравствени установи, граѓански организации, медиуми, промотори во заедницата и засегнати граѓани.
Заклучок:
- Измените на Кривичниот законик се однесуваат на член 197 според кој ќе се казни секое полнолетно лице кое живее со малолетно лице кое навршило 14 а не навршило 18 години.
- Законот за основното образование, со кој се направија измени во член 97 и тоа во делот на содржината на збирката на податоци, со тоа што ќе се води евиденција на учениците кои го напуштиле образовниот процес и причината за напуштањето.
- Се очекува измени да се случиат и во Законот за средно образование и Законот за семејство во делот на забрана на вонбрачна заедница со малолетник, за да се оформи еден успешен систем за рано откривање и спречување на детски бракови.
- Регистриран првиот случај по измените на Кривичниот законик, 16 годишна девојка која сакала да оформи вонбрачна заедница, од страна на надлежната институција, по пријава била вратена кај своето семејство.
- Потребно е да работи на зголемување на свеста кај населението за измените и последиците од истите.


