Комисијата за спречување и заштита од дискриминација треба да ги штити правата на маргинализираните граѓани, а не профитот на приватните компании
Комисијата за спречување и заштита од дискриминација треба да ги штити правата на маргинализираните граѓани, а не профитот на приватните компании
СООПШТЕНИЕ
Комисијата за спречување и заштита од дискриминација треба да ги штити правата на маргинализираните граѓани, а не профитот на приватните компании
Здружението ХОПС Опции за здрав живот Скопје и Мрежата за заштита од дискриминација се обратија до Комисијата за спречување и заштита од дискриминација со претставка за случај на индиректна дискриминација врз основа на здравствен статус. На жена која во минатото се лекувала од Хепатит Ц не ѝ било овозможено приватно здравствено осигурување. Приватната осигурителна компанија не им го овозможува ова право и на други лица кои во минатото или во моментот се лекуваат од различни болести. На тој начин осигурителните комапнии вршат дискриминација врз основа на здравствен статус и припадност на маргинализирана група кон луѓето што употребуваат дроги и други групи на пациенти кои се лекуваат од различни хронични болести.
Комисијата за спречување и заштита од дискриминација постапувајќи по претставката донесе мислење со коешто не утврди индиректна дискриминација по основ на здравствена состојба кон лицата кои употребуваат дроги, но и кон останатите лица со хронични заболувања.
Според Комисијата, избегнувањето на ризик од финансиска загуба преставува легитимна цел за да се дискриминираат различни групи на пациенти без разлика дали во моментот се лекуваат или се излечиле од некоја болест. На овој начин Комисијата неправилно го применува Законот за спречување и заштита од дискриминација што дефинира што може да биде легитимна цел, како: „целта за чиешто остварување средствата треба да соодветствуваат со реалните потреби во конкретен случај, да се однапред прецизно дефинирани, да се неопходни за остварување на таа цел, како и да се пропорционални на ефектите што треба да се постигнат“. Дали според Комисијата профитот на осигурителната компанија е реална потреба а дискриминацијата на пациентите е неопходен начин да се оствари таа цел?!
Оваа практика е спротивна на меѓународните стандарди во областа. Според Европската Конвенција за човекови права, легитимни цели за ограничување на правата можат да бидат државната безбедност, заштитата на здравјето и моралот, заштита од криминал и заштита на правата на другите. Профитот на приватните компании не може да се смета за поважен од еднаквоста на граѓаните како нивно уставно и меѓународно признато право.
Комисијата се повикува на одредбите од областа на приватното здравствено осигурување без да се земе предвид дека дискриминацијата некогаш потекнува од самите закони. Ако нешто е уредено во закон не значи дека не може да биде дискриминација. Притоа треба да се има предвид дека овие лица се целосно исклучени од правото на приватно здравствено осигурување. За лицата кои имаат хронични заболувања кои влијаат на обемот на здравствени услуги кои ги примаат, компаниите можат да предвидат начин на плаќање и пресметување на реалните трошоци за лекување, но не и целосно исклучување од правото.
Имајќи предвид дека оваа Комисија согласно Законот треба да претставува експертско и независно тело за спречување и заштита од дискриминација особено загрижува фактот што тоа тело не е доволно сензитивно во однос на прекршувањето на правата на маргинализираните заедници, каде спаѓаат и различни групи на пациенти, хронично болни и луѓе кои употребуваат или употребувале дроги.
Скопје, 10.11.21
Лице за контакт:
Маргарита Глигуровска
077953787
ANNOUNCEMENT
Commission for Prevention and Protection against Discrimination should protect the rights of marginalized citizens, not the profits of private companies
The Association HOPS Options for Healthy Life Skopje and the Network for Protection against Discrimination addressed the Commission for Prevention and Protection against Discrimination with a complaint about a case of indirect discrimination based on health status. A woman who has been treated for hepatitis C in the past has not been provided with private health insurance. The private insurance company does not provide this right to other people who in the past or now are being treated for various diseases. In this way, insurance companies discriminate on the basis of health status and belonging to a marginalized group of people who use drugs and other groups of patients treated for various chronic diseases.
The Commission for Prevention and Protection against Discrimination, acting upon the complaint, adopted an opinion which did not establish indirect discrimination on the basis of health status towards the persons who use drugs, but also towards other persons with chronic diseases.
According to the Commission, avoiding the risk of financial loss is a legitimate aim to discriminate against different groups of patients whether they are currently being treated or cured of an illness. In this way, the Commission incorrectly applies the Law on Prevention and Protection against Discrimination, which defines what can be a legitimate goal, such as: to achieve that goal, as well as to be proportionate to the effects to be achieved. ” According to the Commission, is the profit of the insurance company a real need and is the discrimination of the patients a necessary way to achieve that goal ?!
This practice is contrary to international standards in the field. According to the European Convention on Human Rights, legitimate goals for restricting rights can be state security, protection of health and morals, protection from crime and protection of the rights of others. The profit of private companies can not be considered more important than the equality of citizens as their constitutional and internationally recognized right.
The Commission refers to the provisions in the field of private health insurance without taking into account that discrimination sometimes originates from the laws themselves. If something is regulated in law does not mean that it can not be discrimination. It should be borne in mind that these persons are completely excluded from the right to private health insurance. For people with chronic illnesses that affect the amount of health care they receive, companies can provide a way to pay and calculate the actual cost of treatment, but not a complete waiver.
Considering that this Commission according to the Law should be an expert and independent body for prevention and protection against discrimination, the fact that this body is not sensitive enough in terms of violation of the rights of marginalized communities, which includes different groups of chronically ill patients, is particularly worrying. and people who use or have used drugs.
Skopje, 10.11.21
Contact person:
Margarita Gligurovska
077953787
mgligoroska@yahoo.com
