Собранието итно да избере членови на Комисијата за спречување и заштита од дискриминација (en translation)

Мрежата за заштита од дискриминација бара Собранието на РСМ итно да спроведе постапка за избор на два члена на Комисијата за спречување и заштита од дискриминација.

Јавниот оглас беше објавен на 15 февруари и траеше до 15 март 2023. Согласно член 18 став 3 од Законот за спречување и заштита од дискриминација, Комисијата за избор и именување на Собранието во рок од 14 дена по истекот на рокот на огласот треба да достави утврдена предлог – листа на кандидати до Собранието. Комисијата за избор и именување треба да организира јавна расправа по пријавените кандидати на која треба да ги повика сите заинтересирани чинители, а особено здруженијата на граѓани кои работат во областа на човековите права, еднаквоста и недискриминацијата.  Во таа насока, Комисијата за избор и именување веќе доцни, односно не ги почитува роковите од членот 18 од Законот за спречување и заштита од дискриминација.

Ја користиме оваа прилика да апелираме изборот да се изврши по заслуги, да се изберат стручни и независни експерти како членови на Комисијата за спречување и заштита од дискриминација. Исто така, потсетуваме дека членовите мора да имаат минимум седум години работно искуство во областа на човековите права, од кои пет во областа на еднаквост и недискриминација (член 17 од Законот за спречување и заштита од дискриминација). Потсетуваме дека избор на членови кои не ги исполнуваат критериумите, односно по партиски клуч, ја загрозува и анулира улогата на Комисијата, нејзината независност гарантирана со закон, директно влијае на (не)довербата на граѓаните во институцијата и доведува до несоодветно спроведување на Законот, со што се спречува процесот на унапредување на еднаквоста во општеството. Од друга страна, потсетуваме за недостатокот на родова еднаквост помеѓу членовите на Комисијата, само една жена наспроти четири мажи. Исто така, потенцираме дека во претходните постапки за избор на членови на КСЗД аплицираа повеќе жени и припадници на маргинализирани групи кои ги исполнуваа законските критериуми, но не беа избрани за членови. Оттука, овие две места треба да се пополнат со жени и/или жени од маргинализирани групи, доколку помеѓу кандидатите има лица со овие карактеристики кои ги исполнуваат условите за стручност и независност.

Собранието треба да избере два члена на Комсијата за спречување и заштита од дискриминација, за да ги пополни позициите кои долго време се празни, поради што институцијата работи со недоволно капацитети за да ги оствари законските надлежности. Сметаме дека одолговлекувањето на изборот на членови на Комисијата претставува неодговорно делување од страна на Собранието и пратениците, бидејќи на ваков начин не се почитуваат законите кои самото Собрание ги носи и се оневозможува целосно функционирање на институцијата, како што и индиректно влијаат врз остварувањето на човековите права и слободи на граѓаните.

Потсетуваме и на забелешките и препораките од Извештајот на Европската Комисија за Северна Македонија за 2022 година, во кој се истакна дека Собранието не успеало да ги пополни празните места во Комисијата и дека проблемите со финансиските и човечките капацитети на Комисијата за спречување и заштита од дискриминација треба приоритетно да се надминат.

Скопје, 6.4.2023

Лице за контакт: Драгана Дрндаревска [email protected] 078200675

Similar Posts

  • Three educational workshops on the topic: “Gender Inequalities – Stereotypes, Prejudice and Discrimination”

    In the period February – April, the second set of three educational workshops were held in the municipalities of Prilep, Krivogaštani and Dolneni, attended by a total of 47 participants. The topic of the workshops was “Stereotypes, Gender Stereotypes, Prejudice and Discrimination”, with a focus on recognizing these phenomena and their impact on individuals and…

  • Mobile Legal Day – Ropotovo

    The July sun is no obstacle when the goal is to bring justice closer to people. On 6th ofJuly, we conducted the first Mobile Legal Day in the village of Ropotovo, Municipality of Dolneni, where citizens received counseling, information and support for the realization of their social and other rights. Field work is not just…

  • LET STATION increases transparency by publishing an Audit Report for 2019

    Within the project: “Transparent action for accountable conducting”, the Association for Legal Education and Transparency LET STATION, in cooperation with an authorized Audit House prepared an Audit Report for 2019 which aims to improve organizational practices for transparent reporting for the achievements and results of the association. The audit report was prepared during the month of October…

  • Public Procurement Marathon – “Is there any progress?”

    On 30th of November 2021 in Belgrade was held a public procurement Marathon conference – „Is there any progress?” which was attended by representatives of the European Union, relevant institutions, NGOs and media from the region, who discussed the main problems with public procurement systems. procurement in the Western Balkan countries. Vesna Shapkoski from LET Station had…

  • “Strengthening the Role of Women in Small and Light Weapons Control and the Prevention of Gender-Based Violence in the Western Balkans – Regional Workshop”

    Recognizing the crucial role of women’s organizations in advocating for peacebuilding, disarmament, and the fight against gender-based and domestic violence, SEESAC* convened representatives from 18 women’s organizations from the Western Balkans for a workshop on gender and small and light weapons, held in Tirana on 1–2 July 2025. Vesna Shapkoski, Executive Director of STANICA PET,…

  • Youth together for peace building, inter-ethnic tolerance and conflict management

    On 18-19 April 2024 was organized two-day artistic workshop where 22 young people from diverse communities expressed their views and ideas on what reconciliation and peacebuilding mean to them. At the workshop, young people have the opportunity to learn about the topics of peace, reconciliation, tolerance, inter-ethnic understanding and conflict resolution, and through peer games they are…